Муус устар 20 күнүгэр киэһэ 19.00 чааска үгэс буолбут уочараттаах «Көмүс ааттар» бырайыакка дьоммутун-сэргэбитин ыҥырабыт.

Бу сырыыга бырайыак кэнсиэрэ аатырбыт «Айан» бөлөх кыттыылааҕар, мелодист, ырыаһыт, СӨ норуотун хаһаайыстыбатын үтүөлээх үлэһитигэр Николай Тулааһынапка ананар.

Буоларын курдук кэнсиэргэ бырайыак сүрүн геройун айбыт, ыллаабыт ырыаларын биллиилээх ырыаһыттар уонна уус-уран самодеятельность кыттыылаахтара ыллаан-туойан, ахтан-санаан ааһыахтара.

Бырайыак ааптара уонна ыытааччыта Саха норуодунай артыыһа Александр Бурнашев, режиссер Саха культуратын үтүөлээх үлэһитэ Амгалена Нотара.

Дьон-сэргэ биһирэбилин ылыан ылбыт бырайыагы көтүтүмэҥ, сөбүлүүр  ырыаларгытын кэлэн истиҥ, бииргэ ыллаһын, дуоһуйа сынньаныҥ!

Буолар сирэ Юрий Платонов аатынан эстрада тыйаатыра, Камернай саала.

Билсэр нүөмэргит: 744330.

Билиэттэр Ленин проспегын, 47 кассаҕа, уонна http://sakhaestrada.ru/ сайтка атыыланыахтара.